Ministri i Punëve të Brendshme i Serbisë, Ivica Daçiç, është nisur për një vizitë zyrtare në Kinë ku do të marrë pjesë në Forumin Global për Bashkëpunim dhe Siguri Publike. Pjesë e të cilit do të jetë dhe ministri i sigurisë publike i Kinës. Gjatë vizitës, Dadiç do të zhvillojë takime edhe me oficerët e policisë serbe të cilët po punojnë me kolegët e tyre kinezë në patrullime të përbashkëta. Në tre vitet e fundit, policia serbe dhe ajo kineze kanë patrulluar në Beograd, Novi Sad dhe Smederevë, qytetet më të vizituara nga turistët kinezë në Serbi. Daçiç, sipas njoftimit të ministrisë, do të marrë pjesë edhe në stërvitjet e njësive speciale të policisë në Guangzhou. Serbia i ka forcuar marrëdhëniet me Kinën psa ardhjes së Vuçiçit në pushtet në vitin 2012. Presidenti kinez, Xi Jinping, e vizitoi Beogradin në maj, për herë të dytë në dhjetë vjetët e fundit. Kina dhe Serbia, e cila ka qenë kandidate për anëtarësim në Bashkimin Evropian për më shumë se një dekadë, nënshkruan një deklaratë për partneritetin strategjik mes dy vendeve në vitin 2016. Shtatë vjet më vonë, Pekini dhe Beogradi nënshkruan një marrëveshje për tregti të lirë ndërsa vijojnë të forcojnë marrëdhniet mes tyre.