“Serbia nuk mund të kapitullojë në Ohër, pasi e ka bërë këtë në Kumanovë, më 9 qershor të 1999-ës”. Kështu u shpreh kryeministri I Kosovës, Albin Kurti, në prag të takimit të të shtunës me presidentin Serb Aleksander Vucic. Lideri I Kosovës tha se shkon në Ohër me dëshirën e mirë për të firmosur nëj marrëveshje për normalizimin e marrëdhënieve me Serbinë, teksa u shpreh pessimist se do të gjejë të njëjtën gatishmëri edhe nga pala tjetër. “E përsëris se do të jem i përkushtuar, konstruktiv dhe kreativ. Do të shkoj me vullnet, qëllim dhe besim të mirë, por sigurisht që nuk mund të garantoj të njëjtën sjelltje të palës tjetër”, u shpreh kryeministri I Kosovës. Albin Kurti solli në vëmendje deklaratat e presidentit Serb, Vuçiç, se nuk do të firmosë asnjë marrëveshje në Ohër, cilado qoftë ajo, teksa tha se kjo nuk ëshët aspak një qasje konstruktive. Takimi mes Kurtit dhe Vuçiç, është thirrut nga kreu i Bashkimit Evropian për politikë të jashtme dhe siguri, Josep Borrell, dhe në të do të marrë pjesë edhe i dërguari special i SHBA-së për Ballkanin Perëndimor, Gabriel Escobar.