Detaje të reja kanë dalë në pah nga megaoperacioni policor anti drogë i koduar “Parku”, i cili vuri në pranga 12 persona, të cilët ishin pjesë e rrjetit të trafikimi të lëndëve narkotike si dhe shpallën në kërkim kombëtar 6 të tjerë. Uniformat blu kanë bërë me dije edhe identitetet e perosnave që ishin të përfshirë në shpërndarjen e lëndëve narkotike në zonën e ish parkut në Tiranë. Pas hetimit një vjeçar dhe denoncimeve të vazhdueshme të banorëve të zonës ku kryhej aktiviteti kriminal, në pranga kanë rënë shtetasit Deivid Shuaipi, Farjon Palushi, Jurgen Halitaj, Ismail Gurra, Denard Buci, Josif Ceka, Oltion Doku, Fabian Pitani, Doris Murati. Krahas tyre, janë arrestuar edhe 4 të mitur, gjithashtu pjesë e rrjetit të shpërndarjes së drogës. Ndërkohë janë shpallur në kërkim shtetasit: Arnaldo Çiçaj, Ergest Mema, Frenkli Sorra, Redi Palushi, Aleksandro Maliqaj.