Përfundimi i numërimit të votave, përveçse përcaktoi fituesit dhe humbësit në zgjedhjet parlamentare të 25 prillit, shënoi edhe një rekord negativ lidhur me fletët e pavlefshme. Sipas të dhenave zyrtare në faqen e Komisionit Qëndror të Zgjedhjeve nga numërimi në të gjithe vendin kanë rezultuar gati 83 mijë fletë votimi të pavlefshme, një shifër tejet e lartë kjo krahasuar me proceset zgjedhore. Vet komsioneri shteteror i zgjedhjeve, Ilirjan Celibashi në një nga deklarimet e tij gjatë këtyre ditëve, ka pohuar se do të analizohen rastet e fletëve të pavlefshme në mbyllet të procesit. Gjithsesi askush nuk thotë me saktësi çfarë ka ndodhur që ka prodhuar kaq shumë fletë të pavfleshme. Nuk dihet nëse një pjesë e këtyre fletëve kanë qenë një votë revolte për të mos voatuar askend nga partitë dhe kandidatët, apo nëse nga padija qytetarët kanë vendosur shenjën e duhur në mbështeteje të kandidatit dhe partisë më shumë se dy herë në fletën e votimit. Por sipas raportimeve nga qendrat e numërimit të votave, shumë fletë të pavlefshme kanë dalë pasi është votuar për një subject dhe një kandidat të një subjekti tjetër. Kjo mënyrë votimi tregon se ka pasur një konfuzion dhe qytetarët kanë qenë të paqartë për mënyrën e votimit, duke e çuar në pavlefshmëri procesin. Ndoshta edhe miratimi me vonesë i fletës së votimit vetëm dy javë para zgjedhjeve, mund të ketë koston e vetë në gjithë sa ka ndodhur. Ajo që diskutohet tashmë nga ekspertët e zgjedhjeve është sa u cënua procesi me gjithë këtë pavlefshmëri të fletëve të votimit dhe sa mund të këte ndiokura kjo shifër në rezultatin përfundimtar.