Pavarësisht se Policia Rrugore ka kryer kontrolle të rrepta dhe të vazhdueshme në të gjitha akset kryesore në vend, sërish ka ende shumë shoferë që vazhdojnë ti thyejnë rregullat. Gjatë 24 orëve të fundit mësohet se për shkak të shkeljes së rregullave të qarkullimit janë ndëshkuar gjithashtu 1 898 drejues mjetesh si dhe ka hequr 43 patenta. Pavarësisht numrit të lartë të aksidenteve rrugore, duket se drejtuesit e mjeteve vijojnë të neglizhojnë tabelat e qarkullimit rrugor, të cilat përcaktojnë saktësisht nivelin e lejuar të shpejtësisë në akset rrugore. Në harkun kohor të 24 orëve janë arrestuar në flagrancë 8 drejtues mjetesh, nga të cilët 4 për drejtim mjeti pa leje drejtimi dhe 4 për drejtim mjeti në gjendje të dehur.