Është përjashtuar nga strukturat e policisë së shtetit efektivi I antidrogës Granit Deromemaj që ndoehj në makinë me bledar bircaj, në momëntin kur ai u ekzekutua në mes të vlorës. Mësohet nga burime jozyrtare se vendimi është firmosur nga Drejtori i Policisë së shtetit, Ardi Veliu. Përjashtimi i tij është argumentuar me faktin se ai nuk reagoi në momentin që ndodhi ngjarja e rëndë, edhe pse kishte armën e shërbimit me vete. Gjithashtu Granit Deromeraj akuzohet se kishte dijeni që Birçaj lëvizte me armë pa leje në makinë, por e ka fshehur këtë fakt.Në dëshminë e tij para hetuesve, Deromemaj ka thënë se njihej me viktimën prej kohësh. Ngjarja ndodhi në 11 maj të këtij viti në Vlorë, ku viktima Bledar Birçaj u ekzekutua në makinën e tij me breshëri kallashnikovi nga persona që edne nuk dihen. Në të njëjtin mjet ishin edhe efektivi Deromemaj dhe një kushëri i viktimës, të cilët fatmirësisht i shpëtuan plumbave. Pista kryesore ku është përqëndruar policia, është ajo e larjes së hesapeve për shkak të pazareve të prishura të drogës jashtë Shqipërisë. 38 vjeçari Bledar Birçaj kishte vetëm disa javë që ishte kthyer nga Spanja.