Parlamenti Evropian (AFET) ka miratuar raportin vjetor për Kosovën me 47 vota pro, në të cilin përsëritet se viti 2025 ishte një vit i humbur për vendin, ndërsa tërhiqet vërejtja se edhe muajt e vitit 2026 po rrezikohen për shkak të krizës politike. sipas dokumentit, kriza politike mund të rezultojë edhe me humbje të mjeteve financiare nga Plani i Rritjes i BE-së, pasi ekziston mundësia që Kosova të mund të mos plotësojë kriteret e nevojshme. Autori i dokumentit, eurodeputeti, njëherësh raportuesi për Kosovën në PE, Riho Terras, ka vlerësuar se 18 muajt e fundit kanë qenë të vështirë për Kosovën. pas miratimit të dokumentit, Terras ka deklaruar se është e rëndësishme që Kosova të qëndrojë në rrugën evropiane dhe të ecë përpara me integrimin. Në raport mbështetet aplikimi i Kosovës për statusin e vendit kandidat dhe u bëhet thirrje shteteve anëtare të BE-së që të avancojnë procedurat përkatëse. Gjithashtu përshëndetet vendimi për heqjen e masave ndaj Kosovës, të cilat cilësohen si të pajustifikuara dhe me ndikim negativ në shoqërinë kosovare. Dokumenti riafirmon rëndësinë e dialogut ndërmjet Kosova dhe Serbia si pjesë e procesit integrues evropian. Po ashtu, kërkohet që përgjegjësit e sulmit terrorist në Banjska të dalin para drejtësisë, duke shprehur shqetësim për mungesën e procedimeve penale ndaj Milan Radoiçiqit.