Ndërsa dukej se Kuvendi i Kosovës po shkonte drejt konstituimit, procesi u bllokua te zgjedhja e nënkryetarit nga komuniteti serb. Përpjekja e radhës për ta përmbyllur këtë proces është caktuar më 28 gusht, e cila përkon me ditën e 10-të të afatit 30-ditor të përcaktuar nga Gjykata Kushtetuese për konstituimin e Kuvendit. Studiuesi në Institutin e Kosovës për Drejtësi, Vullnet Bugaqku, ka deklaruar se procesi i konstituimit të Kuvendit nuk ka përfunduar për shkak të mosvotimit të kandidaturës së propozuar nga Lista Serbe për pozitën e nënkryetarit dhe se në këtë proces janë bërë shkelje procedurale dhe kushtetuese. Sipas tij, situata mund të prodhojë bllokadë të re politike dhe të çojë çështjen deri në Gjykatën Kushtetuese. Studiuesi I IKD, shtoi se procedura e votimit është devijuar nga praktika dhe është zëvendësuar me short, duke krijuar hapësirë për manipulim. Sipas tij, e njëjta procedurë që u përdor për aplikimin për tre nënkryetarët e parë, duhej përdorur edhe për dy nënkryetarët e partive të komuniteteve jo shumicë. Në seancën e 58-të radhazi, pas më shumë se gjatë muajsh në ngërç politik, Kuvendi I Kosovës, zgjodhi Dimal Bashën nga Lëvizja Vetëvendosje si kryetar të tij. Basha mori 73 vota për, 30 kundër dhe 8 abstenime, duke e siguruar postin falë mbështetjes edhe nga deputetë të PDK-së, AAK-së dhe një pjese të pakicave.