Vetëm disa orë para mbajtjes së zgjedhjeve të parakohshme në Kosovë, Policia ka bërë një bilanc të personave të arrestuar lidhur për vepra penale që lidhen me procesin zgjedhor. Sipas njoftimit të policisë, shtatë persona janë arrestuar më 19 maj 2026 për veprat penale që lidhen me cenimin e përcaktimit të lirë të votuesve dhe ushtrimin e presionit politik. Ndërsa me 4 qershor, është vënë në pranga dhe një përson tjetër, në të njëjtën komunë, nën dyshimin për marrje dhe dhënie ryshfeti në lidhje me votimin. Policia thotë se gjatë javëve të fundit kanë trajtuar informacione që lidhen me dyshime për ndërhyrje të jashtme dhe aktivitete të kundërligjshme me qëllim të ndikimit në vullnetin e lirë të qytetarëve gjatë procesit zgjedhor. Sipas institucioneve, hetimet dhe monitorimi i aktiviteteve që mund të cenojnë integritetin e zgjedhjeve të parakohshme parlamentare të 7 qershorit janë në vazhduar.