Policia kufitare në Rinas ka ndaluar në aeroportin nderkombëtar ‘nënë tereza” 9 persona. Ata janë proceduar penalisht, pasi gjashtë prej tyre kanë tentuar të kalojnë kufirin me test të dyshuar të falsifikuar covid-i, ndërsa tre prej tyre janë proceduar për kalim të paligjshëm të kufirit. Shtetasit në fjalë banues në zona të ndryshme të vendit ishin në prag të udhëtimit me fluturimet drejt Brukselit, Vjenës dhe Romës dhe gjatë përpunimit të dokumentacionit janë konstatuar nga shërbimet e Policisë Kufitare Rinas, me test të COVID-19 të dyshuar të falsifikuar. Po nga shërbimet e Policisë Kufitare Rinas u proceduan penalisht, për veprën penale ”Kalimi i paligjshëm i kufijve”, tre shtetas të tjerë pasi kanë tentuar të kalojnë për në Angli në mënyrë ilegale.