Aktivisti i burgosur opozitar rus Alexei Navalny mund të vdesë nga momenti në moment, nëse nuk i kushtohet vëmendje mjekësore. -njoftuan mjekët. Ata shtuan se testet e gjakut treguan se ai mund të humbasë jetën nga arresti kardiak ose nga mosfunksionimi i veshakve. Thuhet se Navalny ka qenë në grevë urie për 18 ditë, për të marrë trajtimin e duhur për dhimbjet akute të shpinës dhe mpirjen e këmbëve. Katër mjekë, përfshirë mjeken e tij personale, Anastasia Vasilyeva, u kanë shkruar zyrtarëve të burgut për të kërkuar leje për ta parë atë urgjentisht. Në letrën, të cilën Dr. Vasilyeva postoi në Tëitter, ekspertët thanë se kaliumi i Navalny kishte arritur "nivele kritike". Mjekët kanë nxitur zyrtarët e burgut t'i lënë ata të ekzaminojnë Navalny menjëherë, "duke marrë parasysh testet e gjakut dhe helmimin nw gusht tw 2020, ku ai akuzoi Putinin, por qw kremilini e ka mohuar. Gruaja e Navalny, Yulia tha se burri i saj ka humbur 9 kg që kur nisi grevën e urisë. Gjithashtu, thirrjes për veprim i janë bashkuar më shumë se 70 shkrimtarë, artistë dhe akademikë të njohur, të cilët kanë nënshkruar një letër duke i bërë thirrje Presidentit Putin të sigurojë që Navalny të marrë kujdesin e duhur mjekësor. Aktivistët e të drejtave të njeriut thonë se burgu është i njohur për kushtet e tij veçanërisht të vështira.