Policia e Kosovës ka zhvilluar një operacion të gjerë kundër krimit të organizuar në disa vendodhje. Sipas njoftimit zyrtar, aksioni lidhet me dyshimet për trafikim ndërkombëtar të substancave narkotike dhe përfshin hetime për disa vepra penale, duke përfshirë “Pjesëmarrjen ose organizimin e grupit kriminal të organizuar”, “Blerjen, posedimin, shpërndarjen dhe shitjen e paautorizuar të narkotikëve”, si dhe “Pastrimin e parave”. Në operacion kanë marrë pjesë edhe përfaqësues të EUROPOL-it, si dhe autoritete nga Belgjika, Franca dhe Holanda, duke e shndërruar aksionin në një operacion të koordinuar ndërkombëtar kundër rrjeteve të dyshuara kriminale. Operacioni po zhvillohet nën monitorimin e Prokurorisë Speciale, bazuar në urdhërin e Gjykatës Themelore në Prishtinë.