Sot mbushen 22 vjet nga eksodi i shqiptarëve të Kosovës, kur gjatë luftës për shkak të persekutimit serb u detyruan të shpërnguleshin drejt Shqipërisë dhe Maqedonisë. Ndërkohë 16 prilli mbahet mend si data kur në Kukës u shënua Dita e Eksodit, si shenjë respekti për të gjithë ata që hapen dyert për të pritur kosovarët. Dashamirësia dhe vëllazëria e treguar ka mbetur e shënuar në kujtesën e dhimbshme historie si dhe afroi më shumë shqiptarët e Kosovës me atdheun e tyre. Mijëra njerëz u detyruan të braktisnin shtëpitë e tyre duke gjetën strehim në familje shqiptare që i pritën krahëhapur. Dëbimi i shqiptarëve me dhunë nga vatrat e tyre, arriti kulmin pas fillimit të bombardimeve të NATO-s kundër pikave ushtarake dhe policore të ish-Jugosllavisë. Ndërkohë për shkak të koronavirusit nuk pritet të ketë aktivitete përkujtimore për 22-vjetorin e eksodit të shqiptarëve të Kosovës nga gjenocidi serb.