Kryeministri i Kosovës, Abin Kurti pritet të realizojë vizitën e tij të parë në Bruksel, javën e ardhsme përkatësisht nga 28 deri në 30. Ky lajm është njoftuar nga burime në Bashkimin Europian në Bruksel, dke bërë përgatitjet finale për agjendën e takimeve që Kurti do të ketë me përfaqësuesit e lartë të bllokut evropian. Aty pritet që Kurti të ketë takim me presidentin e Këshillit Evropian, Charles Michel, presidenten e Komisionit Evropian Ursula von Der Leyn, Përfaqësuesin e lartë Josep Borrell si dhe Komisionerin për fqinjësi dhe zgjerim, Oliver Verhelyi. Tema kryesore e këtyre takimeve pritet të jetë dialogu me Serbinë, përballja me pandeminë në Kosovë dhe ndihma që ofron BE-ja në këtë drejtim. Në po të njëjtën javë, pritet të mbërrijë edhe presidenti serb Aleksandar Vucic në Bruksel. Më këtë rast janë hedhur dyshimet për një takim të mundshëm mes Kurtit dhe Vucic, por që BE thotë se nuk është në dijeni për këtë. Megjithatë edhe bisedimet me kryeministrin Kurti edhe ato me presidentin Vuçiq, pritet të shfrytëzohen për të përgatitur terrenin për një takim të tyre për të shënuar vazhdimin e dialogut në niveli të lartë. Takime të tilla nuk ka pasur që nga muaji shtator, kur në Bruksel ndodhi takimi mes kryeministrit të atëhershëm të Kosovës, Avdullah Hoti dhe presidentit të Serbisë, Aleksandar Vuçiq. Dialogu ndërmjet Kosovës dhe Serbisë, me ndërmjetësimin e Bashkimit Evropian i ka fillimesh në 2011. Ky proces thuhet se ka për qëllim normalizimin e plotë të marrëdhënieve mes dy shteteve.