19-vjeçari turk Gürkan Öztürk, ishte I vetmi I mbijetuar nga shembja e një pallati 5-katësh në Hatay, gjatë tërmeteve shkatërrimtare që goditën vendin më 6 shkurt të këtij viti. I riu, që ka ëndërr të studiojë për mjekësi, deklaroi se një film që kishte parë disa kohë më parë dhe që fliste për tërmetin, I kishte shpëtuar jetën, pasi I kishte mësuar si të sillej në këto raste. “Kam parë shumë filma, që mësojnë se si të sillesh kur je në vështirësi. Një ndër ta, që kam parë së fundi, tregonte pikërisht për rastin e një tërmeti të fortë. I gjithë sekreti është te gjakftohtësia. Në rastin e tërmetit, të gjithë vrapojnë të dalin jashtë dhe nuk ia dalin. Unë u struka poshtë krevatit dhe qëndrova i qetë deri në fund. Për fat, gjithçka shkoi mirë”, rrëfen i riu.