Kur Raul Castro njoftoi tre vite më parë se në 2021 do të dorëhiqej si shef i partisë komuiste në Kubë, ai sigurisht që kishte parasysh ishullin në gjendje stabël ekonomike dhe një kalim tek një gjeneratë e re drejtuesish. Por gjërat nuk kanë shkuar ekzaktësisht sipas planit të tij. Ishulli i varur shumë nga turizmi u godit nga pandemia, ekonomia u tkurr me 11 për qind në 2020-ën. Kubanët cdo ditë, kalojnë orë të tëra në radhë të gjata për të siguruar ushqim, ilace dhe sende të tjera. Ndërsa zyrtarët kubanë kanë bërë cdo përpjekje për të ndaluar përhapjen e koronavirusit, rastet janë shumë të larta në ishull. Me gjasë do të duhen muaj për të parë se si do të shkojë plani ambicioz i Kubës për një vaksinë vendase. Kongresi i partisë komuniste në të cilin Raul Kastro do të japë lamtumirën, fillon të premten, ditën kur shënohet 60 vjetori i fitores së Kubës kundër azilantëve të trajnuar nga CIA gjatë atij një njihet si pushtimi i gjirit të derrave. Që nga vitet e para të revolucionit, shefi i shtetit në kubë ka kryesuar edhe partinë, duke e bërë thuajse të pamundur të përcaktosh se ku përfundon qeveria dhe ku fillon partia. Por në 2018, Kastro dha dorëheqjen si president duke i hapur rrugë pasuesit, Miguel Diaz Canel për të marrë në dorë drejtimin e qeverisë. Castro mbeti shef i partisë që mbikqyr planet afatgjata. Tani, ai do tërhiqet edhe nga ky post. Dhe largimi i tij do të shënojë fundin e erës në të cilën mbiemri i tij ishte në majë të lidershipit në ishull. Dhe kjo do të jetë e para herë e kubës pa një Kastro në më shumë se 62 vite.