Kosova po përjeton sërish një situatë jo të mirë sa I pëket pandemisë. Sezoni i verës së kaluar pushtoi vendin fqinj, ku rastet ditore kapën shifra të larta. Për këtë arsyje, qeveria e Kosovës mori menjëjherë masa për parandalimin e përhapjes së virusit të rrezikshëm, ndërsa ndaloi aktivitetet e shumta publike, mbylli klubet e natës, ndaloi të bëheshin dasma, përdorimi i maskës u bë I detyrueshëm, si dhe mbylli kufinjtë ku kalimi mund të bëhet vetëm me dy doza të vaksinës. Mirëpo, edhe pse situata u qetësua disi për shkak të masave të rrepta, sa duket shfaqja e variantit Omicron në Kosovë bëri që situata epidemiologjike atje të përkeqësohej sërish. Këtë të hënë është raportuar për 728 raste të reja nga 5,297 testime të kryera. Në raportimin ditor thuhet se 99 përqind e pacientë janë shëruar nga virusi i rrezikshëm, ndërsa në të gjithë vendin janë 5,118 raste aktive. Që prej nisjes së fushatës së vaksinimit, në Kosovë, me dy doza të vaksinës janë imunizuar 796,246 persona. Ndërkohë me të treja dozat janë imunizuar 2,169 qytetarë.