Kapet një peshkaqen gjigand në thellësi të Adriatikut, përballë grykëderdhjes së lumit Buna. Peshkaqeni është kapur nga peshkatarët durrsake me anijen “Geraldo”. Kapiteni i anijes Kapllan Rama, me një përvojë 40-vjeçare tha se peshkaqeni që kishte rënë në rrjetë kishte ngadalësuar shpejtësinë e anijes dhe po tentonte t’i shqyente rrjetat. Peshkaqeni peshonte 650 kg. “Ishim duke peshkuar në drejtim të grykëderdhjes së Bunës rreth 13 milje në largësi nga bregu. Kur thellësi matësi tregonte rreth 155 m ujë thellësi, e kuptuam se kishte rënë shpejtësia e anijes dhe se kishte rënë diçka e madhe në rrjetat tona. Pasi anijet e mëdha gjuajnë me trata fundore dhe ajo merr ç’ti dalë përpara.