Prona me vlerë 1.200.000 dollarë, të fituara si pasojë e aktivitetit kriminal, janë sekuestruar në finalizimin të operacionit policor të koduar “Dërgesa”. Burimet zyrtare bëjnë me dije se pasuria e sekuestruar është në pronësi të shtetasit Ylli Didani, 44 vjeç, i arrestuar nga autoritetet e DEA-s (antidroga) në Shtetet e Bashkuara të Amerikës, pasi është i akuzuar për trafik ndërkombëtar të lëndëve narkotike nga vendet e Amerikës Latine për në Shtetet e Bashkuara të Amerikës dhe Evropë. Vendimi i Gjykatës së Tiranës për sekuestron preventive ndaj pronave të tij është dhënë më datë 26 Prill. Në zbatim të vendimit të Gjykatës së shkallës së Parë u bë i mundur sekuestrimi i pasurive të luajtshme e të paluajtshme, vlera e të cilave shkon rreth 1.200.000 dollarë, konkretisht: •Një njësi tregtare me vlerë të përafërt rreth 1 milion dollarë; •Një shoqëri sh.p.k; • 1 llogari bankare me vlerë rreth 206.000 dollarë. Nën drejtimin e Prokurorisë po vijon puna për të zbuluar asete të tjera që këta shtetas dhe familjarët e tyre mund t’i kenë regjistruar në emër të personave të tjerë