Zelanda e re ka prezantuar një seri propozimesh që kanë si qëllim të bëjnë të jashtëligjshëm pirjen e duhanit për gjeneratën e re dhe që do ta zhvendosë vendin më pranë qëllimit për tu cliruar një herë e mirë nga duhani deri në 2025. Planet përfshoijnë rritjen graduale të moshës së lejuar për pirjen e duhanit, që mund të shtyjë ndalimin e shitjes së cigareve dhe produkteve të tjera për këdo që ka lindur pas 2004, duke e bërë kështu efektivisht të paligjshme pirjen e duhanit për këtë gjeneratë. Po ashtu po merret në konsideratë dhe një reduktim domethënës në nivelin e nikotinës që lejohet në produktet e duhanit, filtra që e pengojnë atë, një cmim minimal për duhanin si edhe kufizime të vendeve të shitjes së tyre. Propozimet u mirëpritën nga një numër organizatash të shëndetit publik. Por planet u përballën edhe me kritika për pasoja të mundshme të padëshirueshme, mes të cilave perspektiva e falimentimit për dyqanet e vogla dhe mundësia e nxitjes së një tregu të zi për duhanin. Pirja e duhanit është një nga katër shkaktarët e vdekjeve nga kanceri në zelandën e re dhe thuajse gjysma e banorëve e përdorin atë. Efektet ndjehen më shumë mes maorëve, banorëve indigjenë të zelandës së re. Kanceri është edhe vrasësi më i madh për gratë maore.