Prishtina ishte ndalesa e radhës e Presidentit të Këshillit të Bashkimit Europian, Antonio Costa në kuadër të turit të tij të vizitave në Ballkanin Perëndimor. Në Kosovë, Costa u prit nga fillimisht nga Presidentja në detyrë, Albulena Haxhiu. Presidenca e Kosovës, njoftoi pas takimit se gjatë bashkëbisedimit, Haxhiu ka theksuar vendosmërinë e Kosovës për integrimin në Bashkimin Europian si interes strategjik shtetëror dhe kombëtar për shqiptarët. “Rruga e Kosovës drejt Bashkimit Evropian është interes strategjik shtetëror dhe zgjedhje demokratike e qytetarëve tanë”, shkroi më pas Presidentja në detyrë përmes rrjeteve sociale. Para nisjes së takimeve, Costa shkroi në X se inkurajon udhëheqësit politikë në Kosovë që ta bëjnë prioritet integrimin në BE, "dhe të punojnë së bashku drejt këtij qëllimi të përbashkët". "Kosova ka nevojë për institucione të forta, të qëndrueshme dhe të afta që të zbatojnë reforma, që përfitojnë nga ajo që ofron BE-ja dhe të zbatojnë zotimet që dalin nga dialogu Kosovë-Serbi", shkroi ai. Në Prishtinë, Costa u takua edhe me Kryeministrin në detyrë, Albin Kurti.