Çmimet në tregun e Prishtinës, kanë shënuar rritje të ndjeshme, duke e vështirësuar akoma më shumë jetën e përditshme për shumëkënd. Si blerësit, ashtu edhe shitësit thonë se cmimet janë bërë të papërballueshme, ndërsa sipas tyre, faktorë si inflacioni, mungesa e prodhimit vendor dhe rritja e çmimeve të naftës, po ndikojnë drejtpërdrejt në treg. Rrustemi: Çmimet janë rritë, ndikon në buxhetin familjar “Çmimet janë rritë, normalisht që janë rritë krahasuar edhe me vitin paraprak, edhe me muajt paraprak. Normal, inflacioni është ashtu diku 6.8% ose 6% nëse s’gaboj, krahasu me periudhën e njëjtë të vitit paraprak. Buxhetit normalisht që po i ndikon se çmimet kur rriten, oferta është e vogël në treg edhe kjo po ndikon edhe te të ardhurat e ekonomive familjare kur s'ka rritje të të ardhurave” Selimi: Rritja e çmimeve rëndon familjet, mjerë ai me një rrogë “Sa kanë ndryshu çmimet brenda në treg? Shumë. Shumë. Shumë. Çdo send është shtrenjtë. Sidomos ushqimi, ma shtrenjtë se ushqimi tash s'ka kurgjë te ne. Sa po ndikon kjo në buxhetin e familjeve? Po qysh s'ndikon? I mjerë ai që ka vetëm një rrogë.