Autori dhe moderatori Blendi Fevziu, ishte i ftuar në emisionin “Zona Zero” në Top News për të komentuar zhvillimin më të fundit të aktualitetit në vend, të shtënat me armë drejt godinës së Top Channel, ku mbeti i vrarë edhe një prej rojave të sigurisë. Fevziu dënoi aktin si një nga më të rëndët që kanë ndodhur në vend dhe bëri apel që organet kompetente të veprojnë shpejt për zbardhjen e ngjarjes dhe dërgimin para drejtësisë, të fajtorëve. Si një njohës i thellë e aktualitetit politik në vend, Fevziu tha se nuk beson që pas aktit të rëndë, të ketë prapavijë politike. Ai e mbylli fjalën e tij, duke theksuar se shteti do të tregojë pafuqinë e tij, nëse nuk arrin të zbardhë këtë ngjarje.