Policia e Kosovës ka zhvilluar një aksion në komunën e Zubin Potokut, ku ka gjetur dhe sekuestruar armë, municion dhe pajisje të tjera të paligjshme në tri lokacione të ndryshme. Sipas njoftimit zyrtar, kontrollet janë realizuar pas informacioneve të marra nga qytetarët se në disa objekte mund të fshiheshin mjete ilegale. Në rastin e parë, në fshatin Presek, brenda një stalle bagëtish, policia ka sekuestruar një pushkë M48, pesë karikatorë të kalibrit 7.62 mm, 151 fishekë, pjesë uniforme kamuflazhi dhe pajisje ndriçuese. Në një objekt tjetër në të njëjtin fshat, janë gjetur një pushkë M48, 74 fishekë të së njëjtës armë dhe 254 fishekë të kalibrit 7.62 mm.