Kryetari i Nënkomitetit për Evropën në Dhomën e Përfaqësuesve, kongresisti Keith Self, gjatë seancës kongresionale me Sekretarin amerikan të Shtetit, Marco Rubio, ka avokuar për anëtarësimin e Kosovës në NATO dhe për vazhdimin e angazhimit të SHBA-së në Ballkanin Perëndimor. Teksa është ndalur tek vizita e fundit në rajon, Self e ka cilësuar situatën “jashtëzakonisht të brishtë”, ndërsa ka theksuar se integrimi i Kosovës në institucionet euroatlantike është thelbësor për stabilitet afatgjatë. Diplomati ka mirëpritur edhe nominimet e ambasadorëve amerikanë në vendet e rajonit, duke nënvizuar rëndësinë e emërimit të ambasadorit të SHBA-së në Kosovë. Sakaq, sekretari amerikan I shtetit Marco Rubio ka rikonfirmuar se Shtetet e Bashkuara mbeten të angazhuara në Ballkanin Perëndimor dhe të përkushtuara për parandalimin e konflikteve.