Deputetja e Partisë Demokratike të Kosovës, Vlora Çitaku i ka bërë thirrje kryeministrit në detyrë, Albin Kurti që të reflektojë. Ajo tha se qytetarët në zgjedhjet e 9 shkurtit nuk kanë votuar për bllokadë por për ndërtim të institucioneve të reja. Çitaku: Institucionet peng të kryeneçësisë së Kurtit, i bëjmë thirrje të “Kosova dhe institucionet e saj vazhdojnë të mbesin peng i kryeneçësisë së kryeministrit në detyrë, deputetit Albin Kurti. Edhe nga kjo konferencë këtu i bëjmë thirrje, i bëjmë ftesë që të reflektojë. Qytetarët e Kosovës nuk kanë votuar për bllokadë, qytetarët e Kosovës kanë votuar për të ndërtuar institucione të reja, të cilat do të duhej të ballafaqoheshin me sfidat e qytetarëve tanë. Fatkeqësisht asgjë nuk është duke ndodhur. I bëjmë edhe një herë apel që të reflektojë në mënyrë që të ecim tutje” Pas dështimit të radhës, të dielën, seanca tjetër e konstituimit të kuvendit të kosovës do të mbahet më 27 maj në orën 11:00. Nga 1 maji, vetëvendosje insiston që votimi i kandidates së saj për kryetare të Kuvendit, Albulena Haxhiu, të bëhet me votim të fshehtë, pasi ajo dështoi të zgjidhet në këtë post me votim të hapur. Por partitë e tjera politike e kanë kundërshtuar këtë formë votimi, duke e cilësuar si jokushtetuese dhe në kundërshtim me Rregulloren e Punës së Kuvendit, dhe kanë kërkuar ndryshimin e kandidatit për kryeparlamentar.