Në një mbledhje elektronike të mbajtur këtë të mërkurë, Komisioni Qendror I Zgjedhjeve ka vendosur që votuesve të regjistruar për votim në përfaqësitë diplomatike jsahtë Kosovës t’u lejohet votimi me dokumente identifikimi të Kosovës me afat të skaduar të vlefshmërisë. KQZ ka njoftuar se vendimi erdhi pas evidentimit të disa rasteve gjatë procesit të votimit në përfaqësitë diplomatike në zgjedhjet e kaluara për Kuvendin e Kosovës, të mbajtura më 8 shkurt 2025 dhe 27 dhjetor 2025, ku disa votues janë paraqitur me dokumente identifikimi të skaduara. Komisioni Qendror I Zgjedhjeve ka miratuar gjithashtu planin operacional për ditën e zgjedhjeve, 7 qershorin. Plani përcakton organizimin, koordinimin dhe përgjegjësitë e zyrtarëve të angazhuara në administrimin e procesit zgjedhor brenda dhe jashtë vendit. Dokumenti përshkruan aktivitetet që lidhen me përgatitjen dhe funksionalizimin e Qendrave të Votimit, shpërndarjen e materialeve zgjedhore, raportimin e pjesëmarrjes dhe rezultateve preliminare, si dhe menaxhimin e situatave operative gjatë ditës së zgjedhjeve. , plani parashikon bashkëpunimin me institucionet përgjegjëse për sigurinë, energjinë elektrike dhe mbështetjen teknike, njofton KQZ.