Presidentja e Kosovës Vjosa Osmani deklaroi se autoritetet e vendit të saj i kundërshtojnë kategorikisht idetë që prekin kufijtë dhe e bëjnë Kosovën jonfunksionale. Komentet e saj, presidentja i bëri gjatë takimit me ministrin e Jashtëm të Maqedonisë së Veriut Bujar Osmani. Ministri maqedonas ndau të njëjtin qëndrim me të dhe e i hodhi poshtë planet per ndryshim kufijsh, duke theksuar se Marrëveshja e Ohrit, pavarësia e Kosovës dhe perspektiva euroatlantike e rajonit janë treguar modele të suksesshme. Ai shtoi se Maqedonia e Veriut do të qëndrojë krah Kosovës në rrugën e saj evropiane, derisa marrëdhëniet bilaterale në mes të të dyja vendeve vlerësuar si të shkëlqyeshme. Refuzimin e ideve për ndryshim kufijsh, presidentja e Kosovës e beri të ditur edhe pas takimit që zhvilloi të enjten në Prishtinë, me ministrin e Jashtëm gjerman Heiko Maas.Maas ka thënë se idetë, të cilat kanë qarkulluar së fundmi rreth ndryshimit të kufijve në Ballkanin Perëndimor, përveç që janë joreale, janë edhe të rrezikshme. Ai e bëri të qartë se dëshiron që ideja e fundit në këtë drejtim të futet shpejt në sirtar dhe të jetë pjesë e së kaluarës.