Kriza humanitare dhe ekonomike që shkaktoi shpërthimi i vullkanit La Soufriere në ishullin Saint Vincent në Karaibe do të zgjasë për muaj të tërë e mund të shtrihet edhe në ishujt fqinjë, paralajmërojnë zyrtarë të OKB-së. “ Është një krizë që do të kërkojë një përgjigje humanitare, por një përgjigje edhe në terma të rehabilitimit, e kjo do të zgjasë shumë”, u shpreh për AFP Didier Trebucq, coordinator i Kombeve të Bashkuara për Barbadosin dhe Karaibet lindore. Sipas tij, vullkani, i cili nuk kishte shpërthyet që prej vitit 1979 – është aktiv e tejet i rrezikshëm, e cdo ditë, qëkurse shpërtheu në 9 prill, vazhdon të lëshojë hi dhe tym mbi banorët e zonave përreth që kërkojnë ndihmë. Në ishujt e Saint Vincent dhe Genadines jetojnë rreth 110,000 inhabitants, 20,000 prej të cilëve janë evakuar nga shtëpitë e tyre. gati 4,000 vetë po jetojnë aktualisht nëpër tenda, por numrit i tyre vazhdon të rritet. Pak ditë më parë, anija franceze, Le Ventose, mbërriti në ishull me ujë të pijshëm e 75 tonë ndihma humanitare, por paralajmimet janë që nëse shpërthimet vullkanike vazhdojnë, situata e rënduar për banorët mund të vazhdojë për muaj të tërë.