Myftiu i Kosovës, Naim Tërnava, i uroi besimtarëve myslimanë agjërim të lehtë në prag të nisjes së Muajit të Ramazanit, ndërsa mesazhi I tij ishte edhe më i gjerë, duke përfshirë gjithashtu dhe dëshirën për paqe në botë. Agjërimi, kujtoi Tërnava, e afron besimtarin me krijuesin, e largon nga “egoja, urrejtja e smira” dhe e “motivon për punë e vepra të mira”. Në këtë vigjilje të fillimit të këtij muaji të madh, lusim Zotin që sa më parë të ndalen luftërat e konfliktet dhe popujt të jetojnë të qetë dhe në paqe e harmoni. Misioni i njeriut në botë nuk është që të krijojë trazira, gjakderdhje, vuajtje e shkatërrime, por të jetojë me dinjitet ashtu siç na ka udhëzuar krijuesi i gjithësisë. ..Lusim Zotin që sa më parë të ndalojnë luftrat dhe konfliktet. Teksa përmendte konfliktet, Tërnava kujtoi traidën e popullit shqiptar që njihet për bashkëjetesë, respektin, solidaritetin e humanizmin, sic tha ai.Muaji i Ramazanit nis më 23 mars dhe do të zgjasë për 30 ditë, deri më 20 prill. Gjatë kësaj periudhe, besimtarët frenohen nga ushqimi që nga lindja e Diellit deri në perëndim, në shenjë sakrifice dhe përkushtimi ndaj Zotit. Në përfundimin e këtij muaji të shënjtë për ta, myslimanet në mbarë botën festojnë Fitër Bajramin, një prej dy festave më të mëdha të besimit islam.