Mjekët që po trajtojnë kritikun e burgosur të Kremlinit, Aleksei Navalny japin alarmin për gjendjen e tij shëndetësore. Ata thonë se analizat e gjakut tregojnë se 44 vjecari mund të përballet në cdo moment me një atak në zemër ose bllokim të veshkave. Mjekja personale e Navalnyt, Anastasia Vasilyeva, tha se ekipi i mjekëve ka shprehur gatishmëri për të organizuar negociata dhe konsultime. Kryeopozitari njoftoi se do të niste një grevë urie në fundin e muajin të kaluar, si shenjë proteste ndaj refuzimit të autoriteteve të burgut për t’i lejuar atij qasje në kujdes të duhur mjekësor për dhimbjen që ka në shpinë dhe këmbë. Presidenti amerikan Joe Biden e ka konsideroi gjendjen e kritikut të Vladimir Putinit si absolutisht të padrejtë, ndërsa theksoi se situata e tij e përkeqësuar shëndetësore mund të jetë edhe rezultat i helmimit verën e vitit të kaluar. E përditshmja amerikan The Neë York Times shkruan se ”Putin duhet ta kuptojë se nëse e lë Navalnyn të vdesë të vdesë në një kamp pune, kjo do të konfirmonte se ai është një vrasës, përshkrim që i ka bërë së fundmi presidenti Biden, dhe despot që është i gatshëm të shkojë deri në fund kundër kritikëve të tij”.