Me 2.411 infektime të reja nga koronavirusi brenda vetëm 24 orësh, 7 prej të cilave të identifikuara në pikat e hyrjes në vend, Greqia që u lavdërua për mënyrën sesi përballoi valën e parë të pandemisë, duket sikur po dorëzohet me të tretën. 67 vdekje u konfirmuan së fundi, duke e cuar në gati 9.400 bilancin total të jetëve të humbura në vendin fqinj ë nga fillimi i pandemisë. 837 pacientë janë në intubim, ndërsa terapitë intensive janë mbulur plot e nuk po përballojnë dot më fluksin e të shtruarve. Mesatarja e të shtruarve në spital me Covid 19 në Greqi përgjatë 7 ditëve të fundit, ka qenë 514. Mosha e të prekurve është ulur tani në rreth 44 vjec. Një në katër persona në intubim, është nën 55 vjec. Ekspertët thyonë se më të moshuarit që u vaksinuan, duekt se kanë fituar më shumë mbrojtje. Në këtë situatë, trysnia mbi autoritetet është e lartë për të mos lehtësuar masat përpara Pashkëve, nga frika se lëvizjet e njerëzve, takimet familjare e grumbullimet do të kthehen në një minë me sahat, duke bërë që rastet të shperthejnë sërish. Teksa autoritetet greke po ruheshin shumë nga përhapja e infeksionit prej shqipërisë, së fundi duket se po ndodh krejt e kundërta. Ditët e fundit gjirokastra është renditur në krye të listës së zonave me më shumë të infektuar nga covid. Shkaku i përkeqesit të situatës epidemiologjike në këtë qark duket se janë bërë pikërisht kontaktet me Greqinë, sepse një pjesë e të infektuarve kanë ardhur prej andej.