Albin Kurti pritet që javën e ardhshme, nga data 28 deri në 30 prill të realizojë vizitën e tij të parë në Bruksel që prej marrjes së postit të kryeministrit të Kosovës. Burime të BE-së pohuan se po bëhen përgatitjet e fundit për axhendën e bisedimeve që shefi i ekzekutivit në prishtinë do të ketë me përfaqësuesit e lartë të bllokut . Në të njëjtën javë, ndonëse jo në të njëjtën kogë, kryeqytetin belg e viziton edhe presidenti serb, Aleksandar Vuçic. Nga sa pohoi për REL zëdhënësi i qeverisë së Kosovës, Përparim Kryeziu, Kurti do të takohet me përfaqësues të institucioneve të Bashkimit Evropian, por nuk pritet të ketë një takim mes tij dhe Vucicit. Presidenti serb do ti zhvillojë të ndara takimet e tij në 26 dhe 27 prill. Mësohet se Kurti ka në axhendë bisedime me presidentin e Këshillit Evropian, Charles Michel, kryetaren e Komisionit Evropian Ursula von Der Leyn, Përfaqësuesin e lartë Josep Borrell si dhe Komisionerin për fqinjësi dhe zgjerim, Oliver Verhelyi. Tema qendrore e tyre pritet të jetë padyshim dialogut me Serbvinë, si edhe përballja e vendit me pandeminë e koronavirusit e ndihma që po ofron BE-ja. Pritet megjithatë që bisedimet me kryeministrin Kurti edhe ato me Vucic të shfrytëzohen për të përgatitur terrenin për një takim mes tyre, i cili do të shënonte vazhdimin e dialogut në nivel të lartë, sic nuk ka ndodhur më që prej muajit shtator kur me Vucic u takua kryeministri i atehershwm i Kosoves, Avdullah Hoti.