Banorët e zonave rurale, që shtrihen në dy krahët e rrugës Plepa-Ndroq, vijojnë të jenë pa energji elektrike për shkak të punimeve që po bëhen nga OSHEE-ja. Orari që ishte përcaktuar për ndërprerjen e energjisë elektrike ka kaluar, pasi në njoftimin e bërë në rrjete sociale nga OSHEE-ja u përcaktua orari 09:00-15:00. Banorët ankohen se kanë të gjithë ditën pa drita, ndërkohë sipas burimeve lokale të OSHEE-së, mungesa e energjisë nuk ka lidhje më me punimet për remont, por me një defekt në zonë që nuk është konstatuar ende në rrjetin shpërndarës. Edhe një javë më parë e gjithë zona qëndroi për orë të tëra në errësirë për shkak të një defekti. Gjatë paradites së sotme u raportua se Shijaku, Xhafzotaj, Sukthi dhe bizneset përgjatë autostradës kishin ndërprerje të energjisë. Sipas saj, OST po kryen një remont në nënstacionin e Shkozetit dhe në linjën 110 kV Rrashbull – Sallmone.