Mali i Priskës është pjesë e Parkut Kombëtar të Dajtit, ndodhet 1350 metra mbi nivelin e detit. Pyjet përbëhen nga ahu, panja dhe shkurret, që po digjen nga zjarret, që ndihmohen nga temperaturat e larta dhe era. “Për rreth 2 orë mendojmë t’i vëmë nën kontroll flakët. Është një nga zonat më të vështira të Tiranës. Aktualisht po punojnë 20 forca në terren. Vetëm mbrëmë izoluam 7 vatra, në Kashar, Ndroq, Petrelë e Lundër. Nuk kemi asnjë dëm te banorët dhe shtëpitë. Dëmi më i madh ekonomik është djegia e disa ullinjve në Ndroq. 5 persona janë arrestuar për zjarrvënie të qëllimshme, në Tiranë.” “Për ne kjo në Priskë është zjarrvënie e qëllimshme, për të shkaktuar panik, se edhe për kullota nuk mund të përdoret ky terren.”