Historitë e dedektivit privat Bardhyl Nini vijojnë nëpër një Tiranë kaotike, ku lufta mes së mirës dhe së keqes, pushtetit, parasë dhe dashurisë për vendin nuk reshtin asnjëherë. Romani është një udhëtim në një botë mbushur me pikëpyetje, dyshime e hesape që duhen larë. Është përpjekja e protagonistit për t’u bërë shqiptar më i mirë, por është edhe historia e atyre që duan ta ndalin. - Asnjëherë të martën- Bashkim Hoxha; Një vetëvrasje dhe shumë identitete që nxisin lexuesin aktiv duke e përfshirë në rrjedhën e ngjarjeve të cilat përpiqen të hedhin dritë mbi një botë të errët që intrigon. Vitrina e Librit është rubrika e përjavshme e titujve më të rinj të librave në arenën shqipfolëse. Dritarja e librit ndër më artistiket në ekranet shqiptare ka si qëllim paraqitjen e disa prej librave më të bukur të cdo jave. Tematika e tyre kryesisht është përzgjedhur të jetë artistike/ kulturore.