Rasti i Shqipërisë “për dialogun ndërfetar, si një mjet i zgjidhjes së konfliktit dhe pajtimit” ishte ngjarje e posaçme e Partive Popullore Europiane në Parlamentin Europian këtë javë, ku nën kujdesin e zëvendëspresidentit, Antonio Tajani, u mblodhën përfaqësues të komuniteteve të ndryshme fetare, në vijim të takimit ndërkombëtar të Tiranës “Lutja për Paqe”, të organizuar në shtator nga komuniteti i Sant’Egidios.