Me një mesazh prekës në Tëitter, Barak Obama ka njoftuar se ëhstë ndarë nga jeta qeni Bo, një nga dy qentë e tij të racës portugeze. Familja ka shkruar: Kemi humbur një mik të vërtetë dhe një shoqërues besnik. Për më shumë se 10 vite Bo ka qenë një prani fikse dhe e dëshiruar në jetët tona. “Ka duruar gjithë presionin që sjell qëndrimi në shtëpinë e bardhë, kishte një gojë të madhe por nuk kafshonte, adhuronte të hidhej në pishinë në verë, ishte i jashtëzakonshëm me fëmijët, jetonte për ushqimet që mbeteshin në tavolinën e ngrënies dhe kishte një pellush fantastik”, kujton Obama. Ishte ekzaktësisht ai për të cilin ne kishim nevojë dhe ka qenë më shumë nga sa ne donim, do të na mungojë shumë’ përfundon ai. Bo, kishte hyrë në familjen Obama në shtëpinë e bardhë, në prill 2009, pak pas fillimit të mandatit të parë. Gjatë fushatës elektorale, kandidati demokrat i kishte premtuar vajsave Sasha dhe Malia se do të mund të merrnin një qen pas zgjedhjeve, pavarësisht rezultatit. Në 2013-ën, familja mori edhe një tjetër qen, Sunny. Por më pas erdhi në shtëpinë e bardhë Donald Trump dhe e ndërpreu traditën e gjatë të qenve të parë atje. Tani, vendin e Bo dhe Sunny e ka zënë Major dhe Champ, dy pastorët gjermanë të Joe Biden, ndërkohë që pritet edhe ardhja e një maceje në shtëpinë e bardhë, së shpejti