Qindra qytetarë dhe dhjetëra shoqata, kanë mbushur sheshin para parlamentit grek në Athinë, në mbështetje për Pano Rucin, babain me origjinë shqiptare që humbi djalin e tij Denis në tragjedinë hekurudhore të Tempit. Prej tetë ditësh ai ndodhet në grevë urie, duke kërkuar zhvarrosjen e trupit të të birit për të zbuluar të vërtetën. Ai ka deklaruar se nuk japin leje për zhvarrosjen e të birit, ndërsa thotë se nuk heq dorë deri në gjetjen e propvave dhe zbulimin e së vërtetës. Mbi 55 organizata e shoqata, kanë mbështetur publikisht grevistët në Athinë e Selanik, duke e kthyer këtë protestë në një valë solidariteti. Ata denoncojnë mbylljen e përshpejtuar të hetimeve dhe kërkojnë që të ndëshkohen të gjithë përgjegjësit e vërtetë të tragjedisë së Tempit. Përkrah tyre janë vendosur edhe familjet e tjera që humbën fëmijët e tyre.