Të paktën 13 persona humbën jetën si pasojë e shembjes së një çatie betoni në stacionin hekurudhor në Novi Sad të Serbisë. Ministri i Brendshëm Ivica Daçiç, tha se mes viktimave ishte dhe një fëmijë 6-vjeçar. Ndërkohë të paktën katër persona të tjerë u shtruan në spital me plagë të rënda, ndërsa ekipet e shpëtimit arritën të nxjerrin nga rrënojat dy të gjallë. Ambulancat dhe ekipet e tjera të urgjencës u dërguan në stacionin në qendër të qytetit dhe buldozerët po largonin rrënojat në kërkim të të mbijetuarve, raportojnë mediat serbe. Në vendngjarje shkuan rreth 80 ekipe shpëtimi. Shumë prej viktimave ishin uur në stolat pranë stacionit hekurudhor kur u zunë poshtë nga çatia e betonit. Objekti ishte rinovuar së fundmi. Kryeministri serb Milosh Vuçeviç tha se kjo është “një e premte e zezë për gjithë Serbinë”.