Departamenti Amerikan I Shtetit ka reaguar për mediet në Kosovë, duke theksuar se bashkëpunimi në fushën e energjetikës është një prej shtyllave të bashkëpunimit ekonomik me partnerët evropianë, e cili sipas tij rrit edhe sigurinë energjetike në Evropë. Reagimi ka ardhur pas refuzimit të Kosovës, për tiu bashkuar projektit amerikan të gazit natyror. DASH thote se SHBA-ja është e gatshme për të bashkëpunuar me industrinë energjetike amerikane dhe Qeverinë e Kosovës për një të ardhme të sigurt energjetike përmes diversifikimit të furnizimit me energji elektrike, ku përfshihet edhe Gazi i Lëngshëm Natyror Përveç DASH, kërkesa ndaj Kosovës, që t’i bashkohet rrjetit amerikan të gazit ka pasur edhe nga Ambasada e SHBA-së në Prishtinë, ku e ngarkuara me Punë Annu Prattipati disa ditë më parë kërkoi që të mos e humbë këtë mundësi investimi.