“Qeveria serbe planifikon të nis disa qindra serbë nga Kosova në Beograd gjatë muajit mars për t’i përdorur si mjet për të provokuar incidente dhe për të shkatërruar protestat e studentëve”, ka deklaruar Branimir Stojanoviq, nënkryetar i Lëvizjes Popullore Serbe (SNP) dhe ish-kryetar i Komunës së Graçanicës. Sipas tij, skenari është që serbët nga Kosova do të vendosen formalisht si një “mur njerëzor” rreth Presidencës serbe, por në realitet dyshohet se do të përdoren për të shërbyer si mjet për provokimin e incidenteve në protestat masive dhe si justifikim për të përdorur policinë për të shtypur demonstratat e studentëve. Stojanoviq shton se situata më pas do të paraqitet në opinion si një veprim i policisë për të “mbrojtur serbët nga Kosova të ardhur në Beograd”, duke ndërtuar një narrativë propagandistike. Sipas Stojanoviqit, qeveria kërkon të minojë protestat e studentëve të lëvizjes “Gandia”, të cilat janë karakterizuar nga një frymë solidariteti dhe paqeje. Sipas tij, ‘autoritetet kanë nevojë për pamje të shëmtuara dhe jo ato paqësore që kemi parë gjatë javëve të fundit, përfshirë protestën në Nish’.