Lëvizja protestuese e udhëhequr nga studentët në Serbi arriti një fitore historike në zgjedhjet parlamentare të së dielës, duke i dhënë fund sundimit të gjatë të Aleksandar Vuçiç. Por udhëheqësit e tyre ende të panjohur përballen me një listë të gjatë sfidash. Një nga më kryesoret është Kosova, që për Beogradin zyrtar, mbetet pjesë integrale e serbisë. Gjatë fushatës së tyre, kandidatët e studentëve thanë se Kosova është një territor i pushtuar përkohësisht i cili mund të riintegrohet në Serbi përmes mjeteve paqësore, diplomacisë dhe dialogut. Fokusi i tyre është parandalimi i eksodit të popullsisë serbe në veri të Kosovës dhe forcimi i institucioneve të financuara nga Serbia dhe që veprojnë sipas sistemit ligjor serb, siç janë kujdesi shëndetësor dhe arsimi. Ata duan që komunitetet serbe të Kosovës të veprojnë në mënyrë autonome, duke hedhur poshtë marrëveshjet e mëparshme, si ato për energjinë, targat e automjeteve dhe përdorimin e dinarit.