Për dy muajt e parë të vitit 2023, emigrantët që vijnë në drejtim të Europës preferojnë më shumë rrugë-kalimet nga vendet e Mesdheut Qëndror sesa nga Ballkani Perëndimor. Raporti më i fundit i Agjencisë Europiane të Ruajtjes së Kufijve, Frontex bën me dije se në dy muajt e parë të vitit 2023, numri i kalimeve të parregullta kufitare të raportuara nga autoritetet në kufijtë e jashtëm të Bashkimit Evropian ishte 28130, gati sa e njëjta periudhë e vitit të kaluar. Rrugët e Mesdheut Qendror dhe Ballkanit Perëndimor mbeten më aktivet për kalimin emigrantëve të parregullt. Sipas raportit, 11951 kalime të migranëtve të parregullt u raportuan në vendet e Mesdheut Qëndror për periudhën Janar -shkurt të vitit 2023 me një rritje 118% krahasuar me të njëjtën periudhë të një viti më pare, shkruan Zëri I Amerikës. Ndërsa po sipas të njëjtit raport për periudhën janar – shkurt të këtij viti, në Rrugën e Ballkanit Perëndimor ku përfshihet edhe Shqipëria u evidentuan 8.394 kalime të parregullta me një rënie prej 28% krahasuar me të njëjtën periudhë të një viti më parë. Aktualisht, më shumë se 2400 oficerë të trupave tokësore dhe staf i Frontex po marrin pjesë në aktivitete të ndryshme operacionale. Ata mbështesin shtetet anëtare të BE-së dhe vendet fqinje përfshirë edhe Shqipërinë për sfidat me migrimin e parregullt. Shtetasit e Sirisë, Bregut të Fildishtë, Guinesë, Afganistanit dhe Pakistanit përbëjnë numrin më të madh të migrantëve të parregullt.