Teksa partitë politike dhe populli I Kosovës, pret numërimin dhe certifikimin e zgjedhjeve të parakohshme të 7 qershorit, ambasadori I Gjermanisë në Kosovë, Rainer Rudolph deklaroi për Kosova Press, se vendit I duhet menjëherë formimi I institucioneve. Në këtë mënyrë, thotë ai, do ta kenë më të lehtë ta promovojnë rastin e Kosovës para miqve të tyre që mund të kenë ende hezitime. Në lidhje me rrugën evropiane të Kosovës, diplomati tha se përparimi në dialog me Serbinë duhet të ndodhë në një mënyrë apo tjetrën që të ketë përparim drejt BE-së. Ai ka folur për mundësinë që Serbia ta dorëzojë terroristin Millan Radoiçiç në Kosovë, si personi që e ka marrë përgjegjësinë për agresionin në Banjskë por edhe me kushtëzimin e themelimit të Asociacionit të Komunave me Shumicë Serbe me dorëzimin e tij te drejtësia në Kosovë. Rudolph u shpreh se për ta është e rëndësishme që të gjithë përgjegjësit e sulmit terrorist në Banjskë, përfshirë Radoiçiqin të përballen me drejtësinë.