Përqafimet në britaninë e madhe do të lejohen duke filluar nga 17 maji. I pyetur nëse do të kishte një fund për masën që ndalon përqafimet dhe vizitat në shtëpitë e njëri-tjetrit këtë javë, miniztri i kabinetit Michael Gove, tha se gjithcka duket se po shkon mirë dhe se vetë kryeministri Boris Johnson do të konfirmojë të hënën se do të ketë një tjetër zbutje kufizimesh më 17 maj. Aktualisht, njerëzit në britaninë e madhe këhsillohen të evitojnë kontaktet e ngushta me njerëzit me të cilët nuk jetojnë në një shtëpi. Por, duke folur për gazetarët, Gove tha: Pa paragjykim për një rishikim të gjerë të rregullave të distancimit social, mund të them se kontaktet miqësore, intime, mes miqve dhe familjeve, janë dicka që ne do të donim ta rikthenim dhe ta rishihnim sërish. Boris Johnson pritet të njoftojë në një konferencë për shtyp të hënën se faza e tretë e zbutjes së masave do të nisë sic ishte planifikuar, më 17 maj. Kjo do të thotë që pubet, restorantet dhe kafenetë mund të hapen edhe në ambjentet e brendshme e po ashtu edhe Kinematë. Do të lejohet po ashtu qëndrimi gjatë natës në shtëpitë e të tjerëve, me grupe të kufizuara deri në gjashtë persona ose dy familje.