Pa asociacionin e komunave me shumicë serbe nuk mund të ketë bisedime të mëtejshme mes Kosovës dhe Serbisë. Kjo, sipas presidentit serb Aleksander Vucic, është ajo cka do të thotë ai në takimin e pritshëm që do të mbahet në Ohër të Maqedonisë së Veriut me kryeministrin Kosovar, Albin Kurti. Duke iu përgjigjur deklaratës së këtij të fundit se nuk do të lejojë krijimin e asociacionit, vucic tha se kjo nuk është vetëm çështje e insistimit serb, por temë e të gjithëve dhe duhet të krijohet sepse u dakordësua në Bruksel. “Asociacioni është një temë e përhershme, në cdo bisedë e takim. Një kusht pa të cilin nuk mund të ecet përpara. Nëse doni, në rregull, nëse jo, mos na harxhoni më kohë”, tha Vuçiç. Ai kujtoi se të hënën dhe të martën në Beograd do të presë të dërguarin special të BE-së për dialog, Miroslav Lajçak.“Nuk e di se çfarë presin nga Ohri... Unë do të shkoj në Ohër, nuk them kurrë se nuk do të flas por do të them të njëjtën gjë që po ju them ju tani dhe do të them të njëjtën gjë që ata e dinë”, tha Vucic. I pyetur për 15 modelet e Asociacioonit, të cilat Lajçak tha se ia propozoi Kurtit, Vuçiç tha se nuk kishte informacione për këtë por se ishte i bindur se përfaqësuesi evropian duhet ta dijë se çfarë është nënshkruar në Bruksel në katër dokumente, në marrëveshjen bazë, parimet, marrëveshjen e zbatimit dhe vendimin për ekipin menaxhues. “Ne kemi katër vendime në Bruksel, të cilat janë miratuar dhe nënshkruar. Bashkimi i komunave serbe është e vetmja gjë që nuk mund të diskutohet, sepse tashmë është nënshkruar. Thoni cfarë të doni por kjo është dicka e firmosur”, nënvizoi Vuçiç.