Policia greke ka goditur një tjetër rast të trafikimit të drogës, duke kapur një ngarkesë të madhe në kufirin greko-shqiptar, i disati rast brenda pak kohe. Oficerët e policisë nga Departamenti i Narkotikëve të Nëndrejtorit të Hetimit dhe Ndjekjes Penale të Krimit të Janinës, në bashkëpunim me Departamentin e Policisë së Konicës, sekuestruan një sasi prej 125 pako me marijuanë, me një peshë totale prej 193 kg e 212 gramë në një zonë të Konicës, Janinë. Një drejtues I një makine me targa të huaja, kuptoi praninë e policisë në zonë dhe u përpoq të arratisej. Pasi ka humbur kontrollin e automjetit, shtetasi ka braktisur mjetin dhe është larguar me vrap në këmbë, duke përfituar nga errësira, si dhe nga terreni i pyllëzuar dhe i vështirë i zonës. Automjeti u sekuestrua, ndërsa hetimet nga Policia e Epirit, për të zbuluar identitetin e drejtuesit të mjetit, janë duke vazhduar.