Përleshje të reja janë regjistruar mes palestinezëve dhe policisë izraelite në jeruzalem të shtunën, duke plagosur dhjetëra vetë. Protestuesit lëshuan gurë ndaj policisë në portat Damascus, në qytetin e vjetër, dhe oficerët reaguan me granata tymuese, plumba gome dhe ujë me presion. Mjekët thanë se 90 palestinezë ishin lënduar ndërsa policia izraelite tha se të paktën një oficer ishte plagosur. Kjo pason ditë zemërimi për dëbimet e mundshme të palestinezëve nga toka të pretenduara nga kolonizatorët hebrenj. Të premten, më shumë se 200 palestinezë dhe të paktën 17 oficerë izraelitë u plagosën në përleshjet afër xhamisë al aqsa. Kompleksi i kësaj xhamie është një nga më të adhuruarit në botën islame, por vendndodhja e saj është e shenjtë edhe në judaizëm, pasi njihet si mali tempull. Kompleksi është shpesh në shënjestër të dhunës, por ajo e të premtes ishte ndër më të rëndat në vite të tëra. Negociatorët për lindjen e mesme nga shba, be, rusia dhe OKB, të shtunën shprehën shqetësim të thellë për dhunën që po përshkallëzohet. Në një zhvillim të ndarë të shtunën, ushtria izraelite tha se një raketë ishte hedhur nga militantët palestinezë nga rripi i gazës, që kontrollohet nga hamasi. Në kundërpërgjigje, trupat izraelite, goditën një pikë ushtarake të hamasit në gazën jugore.