Kryeministri Edi Rama ka propozuar një grua në krye të Shërbimit Informativ Shtetëror, që pas largimit të Helidon Bendos që u dorëhoq për të ndjekur studimet në SHBA. Rama i ka propozuar Presidentit Bajram Begaj emrin e Vlora Hysenit, aktualisht këshilltare për Sigurinë e Kryeministrit. “Me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”. Para se të afrohej nga Edi Rama si këshilltare për sigurinë, Vlora Hyseni ka mbajtur postin e zëvendës drejtores së Agjencisë së Inteligjencës së Kosovës. Ajo u shkarkua nga Albin Kurti dhe Vjosa Osmani në fund të qershorit 2021. Tre muaj më vonë, në fund të shtatorit të po të njëjtit vit Rama e mori si këshilltare sigurie në kabinetin e tij.